SERIKALI YAOMBWA NA WAUZAJI WA VIAZI MBAUDA

Baadhi ya wafanya biashara wadogo wadogo wa soko la Mbauda  Mkoani Arusha wameiyomba serikali kuweka bei moja kwa wauzaji wa viazi vya jumla.

Pichani; Moja ya chakula kitokanacho na viazi

Wakizungumza kwa nyakati tofauti walisema serikali inapaswa kuweka bei moja ya viazi kwa wafanya biashara wa jumlaa kwani huwa inabadilika siku hadi siku

Mmoja wa wafanya biashara hao, Bw. Fami Hamisi alisema tunashindwa kuendesha biashara zetukwani bei ya viazi huwa haitabiliki kila wakati inazidi kupanda.

Pichani; Bwana Fami Khamiakiongea na mwanahabari

       “Tunanunua viazi kwa bei ya juu sana gunia wanatuuzia shilingi elfu kumi na mbili tena viazi vyenyewe ni vidogo sana hakuna faida yeyote tunayopata”alisema Hamisi.

Bw, Hamisi aliendelea kusema kuwa,  gharama inavyozidi kupanda inawalazimu na wao kuweza kupandisha, kwani hivi sasa debe moja la viazi wanauza shilingi elfu kumi na mbili badala ya shilingi elfu kumi na sado moja wanauza shilingi elfu tatu, tofauti na awali walikuwa wanauza shilingi elfu mbili.

Nae Bw, Issaka Ramadhani alisema kuwa, kutokana na viazi hivyo kutoka nchi jirani ya Kenya ndiyo maana wanauziwa bei ya juu sana hivyo wanaiyomba serikali kupitia wizara ya kilimo kuwekea mkazo kilimo cha viazi ili wanunue viazi kutoka hapa nchini.

Aliendelea kusema kuwa,anashukuru halmashauri ya manispaa  ya Arusha kwa kuwawekea kiwango kidogo cha cha kulipia kodi kwani kwa siku huwa tunalipia kiasi cha shilingi mia tano.

         “ Manispaa yetu imefanya jambo zuri sana kutuwekea kiasi kidogo cha ulipaji ushuru kwani tunalipia shilingi mianne ya ushuru na shilingi mia moja kwaajili ya usafi wa soko letu”

Pia wameiomba serikali iweze kuwatafutia eneo kubwa na lenye ubora la kufanyia biashara hususani kwa wauzaji wa viazi sokoni hapo kutokana na mabadiliko ya hali ya hewa.

Habari na Seif Baruti / Salha Mustapha