Baada ya kushika nafasi ya pili kwa ubora Tanzania,Chuo cha AJTC Arusha sasa fursa ni nje nje!!

Wakufunzi wa chuo cha Ajtc wakirekodi vipindi

Wanafunzi wa chuo cha uandishi wa habari na utangazaji Arusha wametakiwa kuchangamkia fursa zinazotokana na uwepo wa studio za kurekodi vipindi chuoni hapo

Kauli hiyo imetolewa na mkuu wa kitengo cha kurekodi vipindi vya redio bwana Elihuruma Chao ambaye pia ni mkufunzi wa chuo hicho wakati akizungumza na mwanahabari wa blog hii.

Bwana Chao amesema mwitikio wa wanafunzi katika fursa ya kujifunza masuala ya kurekodi ni mkubwa lakini wanapaswa kuongeza juhudi zaidi ili kufikia malengo yao ya kuwa waandishi wa habari na watangazaji bora na kuhimili ushindani katika soko la ajira nchini na hata nje ya nchi.

Amesema suala la changamoto siyo la kuepukika katika kila jambo hivyo wanafunzi wanapaswa kutia juhudi katika kujifunza kurekodi vipindi kwa kutumia vifaa vilivyopo badala ya kuacha kujifunza kwa visingizio vya uhaba wa vifaa vya kujifunzia.

Bwana Chao amesema mabadiliko ya kuhama kutoka analojia kwenda digitali ni sawa na marudio katika chuo cha uandishi wa habari na utangazaji Arusha kwani wao walishaanza kuwafundisha wanafunzi wao matumizi ya vifaa vya uandishi wa habari na utangazaji kabla ya mabadiliko hayo.

Kwa upande wake mmoja wa wanafunzi katika chuo hicho bi Clementina Abdalah amesema uwepo wa studio za kurekodi vipindi chuoni hapo umewasaidia wanafunzi kuwa na ujuzi wa kutengeneza vipindi bora

mmoja wa wanafunzi wa chuo cha Ajtc Arusha

Amesema mwitikio wa wanafunzi katika kuchangamkia fursa za kutumia studio za kurekodi vipindi ili kuimarisha ujuzi wa kutengeneza vipindi bora vyenye kulenga maslahi kwa umma unaridhisha kwa kiasi chake ila wanapaswa kuongeza juhudi zaidi.

Aidha chuo cha uandishi wa habari na utangazaji Arusha kimejizolea sifa za kuwa chuo bora katika nafasi ya pili kati ya vyuo vingine nane vya habari nchini mara baada ya kufanyika ukaguzi wa wa mwaka jana uliofanywa na MCT na NACTE.

 Viwango hivi vya habari nchini vilitangazwa mwishoni mwa mwaka jana jijini Dar  es salaam na katibu mtendaji wa MCT  Kajubi Mukajanga wakati alipokuwa akizungumza na wanahabari.

mwandishi 

Fedinand Irunde

www.ruwenzori.blogspot.com