WANAWAKE WAIBUKA KUWA WAJASIRIAMALI WA KWANZA TANZANIA.

Mwandishi wa habari kushoto Magreth chuwa akifanya mahojiano na mfanyabiashara maarufu kama mjasiriamali Salma mboya wakati akifanya shughuli zake za kimaendeleo.

Picha na:mpiga picha wetu                             

Wanawake nchini wametakiwa kuwa wawajibikaji katika shughuli mbalimbali za kiuchumi ili kuondokana na hali ngumu ya maisha na tatizo la  umasikini.

Akizungumza na  mwandishi wa habari  hapo jana salma mboya maarufu kama mjasiriamali amesema njia pekee ya kuinua kipato na kuondoa umasikini ni kujishughulisha na biashara mbalimbali ambapo yeye anapika chipsi na kuuza ndizi,samaki,pamoja na viazi.

Pia amesema biashara yake ni ya muda mrefu takribani miaka minne na biashara imemsaidia mambo mengi kama vile kusomesha watoto wake,chakula mavazi pamoja na kumalizia nyumba yake.

Ameendelea kusema wakina mama wote wanatakiwa kijituma ipasavyo kibiashara hivyo waache kukaa bure bila kufanya kazi kwa sababu mtu anatafuta umasikini mwenyewe hivyo ili kudidimiza umasikini lazima watu wawajibike kwa bidii.

Salma ameendelea kusema ukitaka kuwa na maisha mazuri lazima ujitume kwa bidii katika kujishughulisha na kazi mblimbali kama vile kufungua migahawa,kuuza mchicha,na shughuli mbalimbali za kibiashara ili kujikwamua kiuchumi.

Amemalizia kwa kusema kuwa anawasihi wakina mama wanaokaa bure bila kujishughulisha na shughuli yoyote wanaita umasikini na maisha yao yatazidi kuwa magumu wasipofanya juhudi ya kufanya biashara.

                  Na Magreth chuwa