Wakazi na wafanyabiashara wa eneo la soko la Mbauda jijini Arusha wako hatari kukubwa na magonjwa ya mlipuko

         

 Maji machafu yaliyotuama katika  soko la Mbauda mkoani  Arusha

Uchafuzi  wa mazingira katika  soko la Mbauda mkoani Arusha  yahofiwa  kuathiri afya za wafanyabiashara  na wananchi wanaoishi maeneo ya karibu na soko pamoja na  wateja wanaokwenda sokoni hapo kupata mahitaji yao.

Soko la Mbauda ni soko ambalo limechanganya wafanyabiashara mbalimbali wakiwemo wauza mitumba,wauzaji wa chakula maarufu kwa  ajina la mama lishe pamoja na wengine wengi.

Mfanyabiashara mmoja katika soko hilo bwana  Ombeni  Sinde ameeleza kuwa ni muda mrefu sana wamekuwa wakitoa maoni yao kwenye uongozi wa soko hilo pamoja na uongozi wa serikali kuhusu swala la usafi katika soko hilo,swala ambalo linaonekana kutopewa kipao mbele.``hili soko sisi tumeshalalamika sana hadi kwa viongozi wa serikali lakini hamna kitu,hapa kuna harufu mbaya lakini ndo hivyo tumeshazoea’’

Hata hivyo katika soko hilo kumekuwa na madimbwi ya maji machafu yaliyosimama pamoja na takataka chafu ambazo zimekuwa zikitupwa kiholelaholela pasipokuwa na utaratibu hali ambayo inasababisha harufu mbaya hata kupelekea magonjwa ya mlipuko.

Mmoja wa wafanyausafi sokoni hapo ambae ameomba jina lake lisitajwe amesema kuwa pamoja na mazingira kutoridhisha lakini wamekuwa wakijitahidi kufanya usafi ka kwenye soko hilo.Lakini pia alisema kuwa wanafanya usafi katika mazingira magumu sana kwani vitendea kazi ni vichache,pia ameomba kwa watu wote kuwa wastaarabu kwa kutotupa taka hovyo na kuyajali  mazingira ili kuepukana na maradhi.

Wananchi pia wameiomba serikali kuongeza jitihada ya kuongeza vitendea kazi ikiwa ni kuweka sehemu maalumu za kutupia taka pamoja na kuweka faini kwa yeyote ambae atakiuka sheria zitakazowekwa kwa ajili ya kutunza mazingira.

Kwa upande wake mmoja wa viongozi wa soko hilo,ambae ameomba jina lake lisitajwe amesema kuwa wamekuwa na jitihada za dhati katika kuhakikisha mazingira yanakuwa mazuri.Hadi sasa wameajiri wafanyausafi ikiwa ni moja ya mpango wa kuhakikisha wanaweka mazingira vizuri.Pia kuna mpango wa kuweka eneo maalumu la kutupa taka sambamba na kuweka faini kwa mtu atakaekiuka taratibu zitakazowekwa.

    Na  Mwandishi;

  Yesaya  Mwambelo

www.ruwenzori.blogspot.com